Lutja

Allahu i lartmadhëruar thotë: “Zoti juaj ka thënë: “Më thërrisni t’ju përgjigjem” Sureja Gafir, ajeti 60.

Allahu i lartmadhëruar thotë: “Dhe kur të pyesin robërit e mi për Mua, Unë jam me të vërtetë afër, i përgjigjem lutjes së lutësit kur më lutet”. Surejs El-Bekare, ajeti 186.

Transmeton Nu’aman ibn Beshir [Allahu qoftë i kënaqur me të] se Pejgamberi [salallahu alejhi ve slem] ka thënë: “Lutja është ibadet” Transmeton Ebu Davudi dhe Tirmidhiu.

Transmeton ibn Abasi [Allahu qoftë i kënaqur me të] se i Dërguari [salallahu alejhi ve selem] ka thënë: “Ibadeti më i lavdëruar është lutja” Transmeton Hakimi.

Transmeton Selman El-Farisij [Allahu qoftë i kënaqur me të] se i Dërguari [salallahu alejhi ve selem] ka thënë: “Nuk e kthen kaderin (asgjë) përveç lutjes dhe nuk e shtonë jetën përveç mirësia” Transmeton Tirmidhiu.

Transmeton Ebu Hurejra [Allahu qoftë i kënaqur me të] se i Dërguari [salallahu alejhi ve selem] ka thënë: “Kush nuk kërkon nga Allahu, Hidhërohet (Allahu) me të”. Transmeton Tirmidhiu.

Shpjegimi:

Lutja është ibadet madhështorë, në të duket shpirti i të gjitha ibadeteve e që janë; nënshtrimi, përulja dhe nevoja për Allahun.

Gjatë lutjes njeriu i nënshtrohet mëshirës së Allahut dhe dhuntisë së Tij, andaj lutja është ibadeti më i vlefshëm dhe nuk ka ibadet vetëmse përmban në të  lutje.

Allahu i lartmadhëruar e donë atë që i lutet dhe tregon varfërin e tij për Allahu e lartmadhëruar. 

Dobitë:

1.Pozitën e lartë që ka lutja, pasiqë i Dërguari [salallahu alejhi ve selem] e ka numëruar nga ibadetet.

2.Është ibadeti më i vlefshëm pasiqë përmbanë dhikr, kthim, mbështetje, varfëri dhe dashuri te Allahu i lartmadhëruar

3.Lutja është ibadet, nuk lejohet t’i përkushtohet askujt përveç Allahu të lartmadhëruar, e kush ia përkushton dikujt tjetër përveç Allahut, ka bërë shirk.

4.Allahu e ka bërë lutjen shkak për ndryshimin e kaderit dhe kjo është nga kaderi.

5.Dashuria e Allahut ndaj atij që i lutet dhe hidhërimi i Allahut ndaj atij që nuk i lutet.

Përktheu nga gjuha arabe:

Florim Islami

www.thirrjaislame.com