Transmeton Ebu Hurejra [Allahu qoftë i kënaqur me të] se i Dërguari i Allahut [salallahu alejhi ve selem] ka thënë: “I hypuri përshëndet atë që është në këmbë, ai që është në këmbë përshëndet atë që është ulur dhe pakica përshëndet shumicën” .Mutefekun Alejhi, ndërsa në transmetimin e Buhariut “i riu të vjetrin”.
Transmeton Ebu Umamete El-Bahilij [Allahu qoftë i kënaqur me të] se i Dërguari [salallahu alejhi ve selem] ka thënë: “Vërtetë ai që ka më së shumti të drejtë te Allahu nga njerëzit, është ai që i përshëndet i pari njerëzit me selam” .Transmeton Ebu Davudi dhe Tirmidhiu).
Transmeton Ebu Hurejra [Allahu qoftë i kënaqur me të] në hadithin e atij që e fali keq namazin “Erdhi dhe u fal, pastaj erdhi te i Dërguari [salallahu alejhi ve selem] e përshëndeti me selam dhe i Dërguari [salallahu alejhi ve selem] ia ktheu (selamin), e i tha kthehu dhe falu se nuk je falur, u kthye (njeriu) dhe e fali (namazin) pastaj erdhi te i Dërguari [salallahu alejhi ve selem] e përshëndeti me selam, derisa e veproi këtë tri herë” Mutefekun Alejhi.
Transmeton Ebu Hurejra [Allahu qoftë i kënaqur me të] se i Dërguari [salallahu alejhi ve selem] ka thënë: “Nëse dikush nga ju e takon vëllaun e tij le ta përshëndet me selam, e nëse i ndanë në mes tyre ndonjë pemë, murë, ose guri e pastaj e takon le t’i jep selam” Transmeton Ebu Davudi).
Transmeton Ebu Hurejra [Allahu qoftë i kënaqur me të] se i Dërguari [salallahu alejhi ve selem] ka thënë: “ Nëse dikush nga ju vjen në një tubim le t’i përshëndesë me selam, nëse i sheh të ulet, le të ulet, e pastaj nëse ngrihet (nga tubimi) le të jep selam, ngase selami i parë nuk ka të drejtë më shumë se i fundit” Transmeton Ebu Davudi dhe Tirmidhiu.
Shpjegimi:
Nga rregullat e selamit dhe sunetet e tij që i ka vepruar i Dërguari [salallahu alejhi ve selem] janë: ai i cili është hypur t’i jep selam atij që është në këmbë, sepse me këtë tregon modesti para atij dhe ia kënaqë zemrën, kurse ai që është në këmbë (duke ecur) i jep selam atij që është ulur, ndërsa grupi i vogël përshëndet grupin e madh dhe i riu të vjetrin nga nderi që duhet të ketë ndaj tij, e kur të takohen dy besimtarë (në rrugë), më i afërm te Allahu nga ata dy, është ai i cili e përshëndet i pari tjetrin me selam, sepse ia ka kaluar në vepër të mirë. Gjithashtu është e pëlqyer përsëritja e selamit nëse besimtari ndahet nga vëllau i tij e pastaj e takon, edhe sikur të jetë ndarja për një kohë të shkurtër, siç është e pëlqyer të jep selam ai i cili vjen në tubim gjatë hyrjes dhe gjatë largimit nga tubimi.
Dobitë:
1.Sunnet është që i hypuri t’i jep selam atij që është duke ecur në këmbë, kurse ai që është në këmbë t’i jep selam atij që është ulur, pakica t’i jep selam shumicës dhe i riu të vjetrit.
2.Pëlqimi i dhënies selam nëse ndahen dy muslimanë e pastaj takohen, edhe sikur të jetë ndarja e shkurtë dhe të përsëritet.
3.Pëlqimi i dhënies selam gjatë largimit nga tubimi.
Comments are closed.