Falënderuar qoftë Allahu, zoti i botëve. Ndër tjerash, falënderojmë Allahun që më 12 qershor të këtij viti, me sukses realizuam një iftar në Shkup, kushtuar muajit të bekuar të ramazanit.
Në të vërtet, ishte një mbrëmje e mrekullueshme dhe e begatuar përplot besim, kënaqësi dhe dashuri. Kurse, rëndësinë e veçantë këtij iftari edhe më shumë ia shtuan hoxhallarët, mysafirët dhe të ftuarit e tjerë nga të gjitha trojet shqiptare.
Programi i shkurtër i zhvilluar atë natë, ngërtheu në vete: recitim Kurani, disa këshilla dhe sugjerime nga tre hoxhallarë më eminent, poezi, si dhe ilahi të ndryshme. Kështu, së bashku, duke numëruar rreth 700 të pranishëm, realizuam edhe moton e asaj mbrëmjeje, “Uniteti, simbol i fuqisë”, nga çka shpresojmë të kemi arritur kënaqësinë e Allahut të madhëruar.
Comments are closed.