Vlera e tevhidit
Allahu i Lartmadhëruar thotë : “Nuk i krijova xhinnët dhe njerëzit për diç tjetër, përveç që të më adhurojnë mua” Edh-Dharijat ajeti 56.
Allahu i Lartmadhëruar thotë : “Ne kemi dërguar te çdo popull të Dërguar që tu thotë: adhuroni Allahun dhe largojuni adhurimit të djallit” En-Nehl ajeti 36.
Transmetohet nga Xhabiri [Allahu qoftë i kënaqur me të] se I Dërguari i Allahu [salallahu alejhi ve selem] ka thënë: “Kush e takon Allahun duke mos i shoqëruar askënd do të hyj në xhennet dhe kush e takon Allahun duke i shoqëruar dikë, do të hyjë në zjarr” Transmeton Muslimi.
Nga Muadh ibn Xhebeli [Allahu qoftë i kënaqur me të] thotë: “Isha hypur në gomar mbrapa të Dërguarit të Allahut e Ai më tha: “O Muadh a e dinë Ç’far është e drejta e Allahut te njerëzit dhe e drejta e njerëzve te Allahu? Thashë: Allahu dhe i Dërguari i Tij e dijnë më së miri. Tha: E drejta e Allahut te njerëzit është, që ata ta adhurojnë Atë dhe mos ti shoqërojnë në adhurim askend, ndërsa e drejta e njerëzve te Allahu është që mos të dënojë atë që nuk i shoqëron në adhurim” Mutefekun alejhi.
Shpjegim:
Tevhidi është prej veprave të mira më të mëdha dhe esenca e tyre që don të thotë: njëshmëria e Allahut në adhurim dhe mohimi në gjithë atë që adhurohet përveç Allahut.
Për këtë qëllim Allahu i ka krijuar xhinnët dhe njerëzit dhe ka dërguar Pejgamberët [paqa dhe mëshira e Allahut qoftë mbi ta]. Prandaj Allahu u ka premtuar atyre që e realizojnë tevhidin në jetën e tyre, se do të hyjnë në xhennet edhe nëse kan bërë mëkate.
Dobitë:
1.Vlera e tevhidit e që është vepra më e mirë dhe më e madhe me të cilën hynë njeriu në xhennet, shpëton nga zjarri dhe është kusht për hyrjen në xhennet.
2.Tevhidi është qëllimi final i krijimit të xhinnëve dhe njerëzve dhe për shkak tevhidit Allahu i ka dërguar Pejgamberët.
Përktheu nga gjuha arabe:
Florim Islami
www.thirrjaislame.com
Comments are closed.