Aisheja r.a. thotë për spermën: fërkoja (vendin ku prekte sperma) rrobën e të Dërguarit salaAllahu alejhi ve selem e pastaj ai falej me të. Transmeton Muslimi.
Nga Ibn Abasi r.a. transmetohet se: I Dërguari salAllahu alejhi ve selem pastrohej me ujin e mbetur nga gruaja e tij Mejmunja. Transmeton Muslimi.
Ka transmetuar Tirmidhiu, Ahmedi dhe Ebu Davudi se i Dërguari i Allahut ka thënë: “ Ajo( maceja) nuk është e ndytë. Ato janë shërbëtoret e juaja“. Ndërsa në një transmetim tjetër:“ Macja është prej kënaqësive të shtëpisë,ajo nuk bën asgjë të ndytë“.
Nga Enesi r.a. transmetohet se: Disa njerëz nga Akli apo Arinja u sëmurën kur arritën ne Medina, e i Dërguari salAllahu alejhi ve slem i urdhëroi të pijnë nga urina dhe qumështi i deveve. Transmeton Buhariu.
Shpjegimi:
Nga lehtësimi i sheriatit është se na bëri të lejuar disa sende që ballafaqohemi me to gati çdo ditë siç ceken hadithet më lart dhe flasin për pastërtinë e tyre.
Dobitë:
- Pastërtia e spermës, edhe nëse e prek ajo petkun mjafton të fërkohet e mos të lahet me ujë.
- Lejohet të lahet burri nga uji që ngel pasi është pastruar gruaja e tij.
- Pastërtia e asaj që në të pi macja ngase ajo sillet rreth shtëpive tona apo mbrenda vazhdimisht
- Është e pastër bajga dhe urina e kafshëve që u hahet mishi.
Përktheu nga gjuha arabe:
Florim Islami
www.thirrjaislame.com
Comments are closed.